Sudem ngadiri kegiatan itu, Izwar langsung ngadoke Inspeksi mendadak (sidak) ke- Puskes Pemulutan nak nyingok galo - galo ruangan Puskes, nyatonyo dengen sidak itu, Izwar ngeraso kecewa samo disiplin Pegawe Puskes itu, karno mase banyak diperluke perapian dan kebersean ruangan gunonyo memudake playanan samo kenyamanan petugas dan wong laen sehinggo playanan jadi lebih optimal, kedepannyo galo - galo pegawe ini agar biso nyago disiplin samo kebersean. Karno Berse ngerupoke awal dari Kesehatan.
Saat disambangi di ruangannyo, Kepalak UPTD Puskes Pemulutan, Khairil Anwar, SKM, M.Kes ngakui samo mbenarke memang ado kurang disiplin diantaro pegawenyo tesebut, tapi idak usahlah nyebutke siapo - siapo. Sebenarnyo mereka baelah yang arus nyadarinyo dewek atau biaso disebut introspeksi dirilah, katonyo sambil tertawo ngakak. Bahken Pimpinan yang ayar njabat kurang lebih sebulan ini, setuju nian dengen Inspeksi ndadak Kepalak Dinas ini. Karno dengen cak ini, kito galo akan biso lebih njago samo nyadari kalu sesuatu yang nyangkut disiplin itu, galonyo bemulo dari diri kito dulu. Nyinggung soal gawean Pengobatan dak bayar ini, lanang yang seneng senyum ini jugo ngucapke mokase samo galo - galo panitio terutamo Plisi Lantas samo Dinas Kesehatan dan jugo galo- galo pegawe yang galak kerjo samo dalam mengadoke Pengobatan dak bayar ini